grayscale photo of motherboard

معركة مع جهاز الديسكتوب

جنني هذا الجهاز صارلي يومين اقلب فيه من فوق لتحت وماني لاقي المشكلة وين بالضبط.كان قبل مدة يعمل كالحصان بمعدل 18 ساعة في اليوم اقل شي، ولكن بدأت تظهر المشاكل.

من اسبوع قام كل ما اشغله يشتغل نص ساعة لساعة ويطفى وارجع أشغله. وقتها كنت متعاجز اجلس اصلح فيه، لجئت للابتوب الله يحفضه شغال مية مية. بس بعدين طلع في بالي اشوف وش الخلل الي فيه.

صراحة هالجهاز له قصص حلوة وياي  خخ .. أكثر تعلمت الاختراقات عليه وتطورت عليه بقراءة الاكواد وفحص الشبكات..الخ.

المهم فتحته وصلة وصلة وفحصتهم وبعدين ركبته من جديد، ومن ثم انتقلت على السوفتوير، اول كنت مركب فيدورا النسخة التاسعة الاخيرة، فطيرتها وركبت الثامنة (اشوفها احسن من التاسعة كثبات وسرعة واستجابة) وبعد تنصيب كل تعاريف القطع والستب.

فجيت افتح المواقع واتصفح وفرحان مافيه شي وكان يطفى من جديد 🙁 

المهم شغلته من جديد ورحت على البايوس الي هو من نوع اوارد. جبت اخر نسخة من البايوس وركبتها والحمد لله لحد الان شغال تمام.

بس ايضاً اعتقد في خلل بالبور سيبلاي فراح اراقب الوضع الايام الجاية واشوف كيف الاداء.

يلا في امان الله

بريطاني من اصول عربية، مقيم في انجلترا. مدون منذ اكثر من 15 سنة، ومحب للقراءة والبحث. طالب في كلية الهندسة تخصص كهرباء والكترونيات. وبشكل جانبي اقوم بصناعة الموسيقى، وانا متخصص بشكل ادق في مجال هندسة الماسترنج والمكساج للاعمال الموسيقية والفنية. وقبلها وفي السنوات السابقة بين ٢٠٠٥ و ٢٠١٣ ركزت في مجال امن المعلومات والادارة والاوتوميشين لانظمة التشغيل والسيرفرات، وعملت مع مجموعة متنوعة من المواقع العربية، وخاصة الصحف الالكترونية والمواقع الحكومية في منطقة الخليج، من حيث تهيئة وحماية وادارة البنية التحتية لمواقعهم الالكترونية.