هذا بلوجن عبارة عن 2 كمبريسور في بلوجن واحد
- الاول low level وهذا كمبريسور يرفع من قيمة rms بدون التأثير على البيكس.
- الثاني high level وهذا كمبريسور ستاندرد تأثيره يكون على البيكس يضغطها ويقللها فنقدر نرفع اللفل العام بدون مايحصل ديستورشن.
طبعاً مسألة قوة رفع الصوت الها حدود بالتأكيد، في نقطة معينة لكل صوت راح يبدأ يعطينا نتيجة سلبية، وهنا السمع الجيد هو الذي يحدد اللفل المناسب للضغط.
احب استخدم هذا البلوجن على الفوكال تحديداً، ليس لرفع الصوت ولكن للحصول على افكت معين وهو كالتالي؛
في الكوبلية احيانا احتاج احس بعمق صوت المطرب واريد اسمع القرار وهو طالع من اسفل البطن، فاستخدم هذا البلوجن وارفع low level لدرجة معينة الى ان احصل على هذا التاثير المطلوب.
طبعاً هنا لازم استخدم الاتمتة (اوتوميشن) لاني اذا بالكوبلية اريد اسمع هذا الافكت فانا بالكورس اريد العكس، اريد صوت المطرب ينفتح و يعطيني مساحة، وعن طريق الأتمتة لما يوصل للكورس الغي الافكت عن طريق ضبط low level للنسبة المطلوبة.
ايضاً احياناً استخدمة للحصول على صوت الاذاعة (كـ افكت صوتي) الي كان معروف بفترة الـ70 وقبلها، كان الصوت مضغوط كثير وبنفس الوقت فيه ساتوريشن وهارمونك ديستورشن بس محبب يعني الديستورشن مش منشز، وهذا الكمبريسور يعملها بنفس الطريقة بشكل ممتاز.
ملاحظات
- ضروري تنتبه على الليفل ، لان الكمبريسور هذا مافيه كثير ازرار تحكم ، ومقابل كل 1 ديسبل تخفيض بيحصل راح يعوضة بشكل تلقائي في output عن طريق مايعرف بال make-up gain .. لكن بعد مستوى معين الصوت ممكن يعلى جداً ويدخل في مرحلة “الدجتل دستورشن” وهو طالع من output لهذا انتبه ع النسبة الي طالعه من البلوجن؛
وايضاً انتبه على النسبة الي داخلة للبلوجن ، المفروض الصوت يدخل على البلوجن وفيه شوية هيدروم على الاقل -3 ديسبل في اعلى نقطة يصل لها الصوت الاصلي ، لان اذا الصوت الي داخل على البلوجن جداً عالي بهذا الافكت الي حيطلع منه حيكون بجودة سيئة وفيه دستورشن مزعج تجاوز مرحلة الساتوريشن والهارمونكس. - انتبه لحروف مثل السين والشين والباء احياناً تنشز بسبب البلوجن، وهذا يرجع لجودة التسجيل الاصلي.
- في ناس تحط ايكولايزر وتفلتر البيس بالكامل من الفوكال بالاضافة لجزء كبير من low-mid يعني ممكن يكون حاط فلتر لفلترة اي فريكونسي تحت 350 Hz تقريباً (وهو امر خاطئ ع اي حال) بالحالة هذه شبه مستحيل انك تطلع افكت القرار الي تكلمنا عنه لان تلقائياً تم ازالة الفريكونسي الي يعيش فيها القرار مسبقاً قبل وصول الموجة للبلوجن mv2 .
- انا شخصياً احب استخدمه للفوكال فقط ، ما حبيته على الآلات الموسيقية كثير ولا على ال bus (او القروب) ، دائماً احطه على التراك الفردي.
